العيد فرحة :).... العيد انت

كنت ماشى مع اخويا
و قالى الواحد مبقاش حاسس بالعيد زى زمان الكلمة ديه طبعا سمعتها كتير ...
بس الفكرة ان اخويا ده لسه مخلص ثانوية عامة (يمكن انا كمان قولت الكلمة ديه و انا فى نفس سنه بس نسيت ففاكس السن)المهم ان انا لما بصيت لقيت ان العيد هو هو
من زمان بس احنا اللى مش احنا احنا .....
احنا جربنا العيد مرة و اتنين و تلاته و بعدين كنا الاول بنفرح من غير ما نسأل عن السبب و بعد كده بدانا نحس بالملل من التكرار فقررنا نشوف السبب عشان نزود
الفرحة (اننا بنشوف اصحابنا و بنسهر لتانى يوم "من غير زعيق و شخط على التأخير" ؟؟) طيب مهو لسه بيشوفهم"اخويا" ..خروجات يمكن ؟ مهو لسه بيخرج ...
لأ انا اقصد التنويع يروح اماكن مختلفة (الفلوس يعنى ؟) ممكن ليه لأ طب اللى معاهم فلوس محسوش ان العيد مش زى زمان ...
اعتقد ملهاش علاقة يعنى لو جالى فلوس هغير شوية و بعدين (العيد مبقاش زى زمان! ) طيب ازاى نرجع العيد زى زمان :) قول للزمان ارجع يازمان ...
الموضوع بسيط افرح بالتجربة تجربة انك جربت العيد قبل كده و اكتشف الفرحة فى عيون اللى لسه بيتعرفو على الدنيا...
على العيد.. على التجارب اللى هتخليهم ييجو فى يوم و يقولو العيد مبقاش زى زمان ,
لو انت جربت حاجة و حسيت خلاص انك مش بتفرح بيها زى الاول افرح بطريقة مختلفة جرب طريقة تانية جرب تفرح بفرح حد تفرحة :)
او متزعلوش او تساعده يفرح مش عارف بس خليك ورا الفرحة ... لأ "فى قلب الفرحة" :)
و لو العيد مبقاش زي زمان خلاص يا سيدى انت كمان خليك مش زى زمان :)

دينا الوديدي - لـ نزار قباني - الخرافة

عايز تعيش كام مرة ؟

أ
صلا اصلا المشكلة اننا هنعيش مرة واحدة هى ديه اصلا المشكلة ... مفيش مشكلة  اصلا لو احنا بنعيش  اكتر من مرة ...بس نفترض ان انت عندك متغيرين بس عايز تجربهم "عشان نشوف انت محتاج كام مره)
 ... مثلا عشان نشوف انت محتاج كام حياة و إلا لو عندك 100 هتقول الف وكده فلو عندك متغيرين هتحتاج تجرب الاول و التانى فانت محتاج حياتين ..لأ مانت محتاج تجرب الاتنين مع بعض مثلا طب نقول 3؟ لا مانت محتاج تجرب ان يكون المتغير ده مرة  الاول و مرة التانى عشان اشوف الفرق طب 5 ؟... متستعجلش مانا عايز اجرب نسب ده 30 وده 70 طب بلاش ده مره و بعد كده ده و ارجع للاول طب نغير الكم و الكيف بتاع كل متغير !!!!..... انسى كل ده

 خلاص كل متغير فيهم ليه كم و كيف ثابت و كمان مينفعش تختار حاجتين مع بعض او حاجة و بعدها حاجة اشطة فانت محتاج حياتين (لو الدنيا فيها حاجتين)..................... طب الدنيا فيها كام حاجة؟!


 .. ومحدش الله يكرمكم  يقولى نخليه متغير واحد (ثابت اصلا) لان انت كده اصلا مش هتحتاج حياة ..هتولع فى نفسك

عمليا : لو مفيش قيود انا هجرب كله........... بس لو مفيش قيود .... مش عارف (هو مين اللى عامل قيود ...ليه اصلا ؟)
رومنسيا : يا سلام (بجد) رغم كل ده بتختار حاجات بعينها (بس الاختيار اصلا موضوع كبير ومتشعب  ..انت بتختار اصلا ؟)


عموما عموما متنساش ان انت هتعيش مرة واحدة .... فاعمل ..................    :) اعمل الصح هههههههههههههه :)

النهاردة انا عايز اتكلم على حاجة حصلت فى الشغل بغض النظر عن انى ضيعط و قت كتير بس انا هتكلم عن واحد شحن كروت شحن و كسب عربية "بى ام" هل المشاكل اللى عندى هتتحل ؟ لو انا مكان الراجل ده .....ولا هتظهر مشاكل تانية انا الاحساس اللى جوايا دلوقتى انها هتتحل و المشكلة اننا ممكن اكون عارف ان ده مش الحل بس مش مدرك اعتقد فيه فرقدايما مابين انك تعرف حاجة كمعلومة و انك تدركها بالتجربة , فمثلا عمرك ما هتحس من اعماق معاميقك ان"ليست السعادة فى المال " إلا لو جالك مال بس مش هو اللى اسعدك او شفت حد كده او بقيت سعيد من غيرة بس ساعتها ممكن تدرك ان ليست السعادة فى المال وحده.

انا عموما لسه هكمل تعريفى بنفسى بس مش دلوقتى
ملحوظة:قناعاتى ممكن تتغير بتغير التجارب او العمر او .... حاجات كتير.

اول التفاصيل من شاب فصيل

البداية بالنسبالى اصعب حاجة مبدئيا انا بكتب فى المدونة ديه لنفسى و للناس لو حد دخل و قرأ و انا ليه بأوول كده علشان لما اكتب حاجة مش مفيدة بالنسبالك تفتكر السطر ده و تقول يمكن مفيده بالنسباله.

انا حابب اكتب اصلا عشان زهقان ممكن و بحب برده دايما اجمع حياتى كده و اشوف ايه النظام و اللى حاصلى اليومين دول هتعرفه بعدين.
انا مين و دا التعريف اللى جه فى بالى دلوقتى

انا سعد بدر اتخرجت من كلية التجارة 2006 و بعد كده دخلت جمعية جيل المستقبل اللى بالمناسبة كاتن لازم متتقفلش .نعمل اى حاجة بعد ثورة غلا ان احنا نهد كل اللى فات بحلوه و زفته المهم اشتغلت مندوب مبيعات لمدة شهر ماستحملتش جسديا و لا نفسيا و لا اى حاجة فاستقلت و فضلت ادو .كام مقابلة على شوية اشتغل فى الورشة بتاعتنا اللى بشتغل فيها فى الاجازة " استرجى" وشغلى مع ابويا ساب فيا اثار كتر فكرة انك تشتغل مع ابوك و مع طبيعتى المايلة للابيض و للاسود عملت حاجة (هوانا  ليه اصلا  لما جيت اعرف نفسى بدأت بالتخرج ؟)مع انى كنت عايش قبل التخرج فترة طويلة .

عموما فكرة الاسئلة دى عموما مسببالى ....مشكلة....عطلة او هتتسبب فى المستقبل فى نجاح يمكن جايز. المهم الطفولة مش فاكرها أوى بس امى كانت قالتلى على مرة كنت بسيب العيال تلعب و اروح الصلى و مليش فى الكورة و فاكر انى كنت مع اخويا محمد وكريم ابن عمى بنحفظ قران -دا وانا صغير - بس دلوقتى عندى افكار و اسئلة متوهانى المهم خلينا برضة نتفق اننا مش هقول كل حاجة يعنى ممكن اقول انى عملت غلطات اكيد عملت بس مش لازم تفاصيل و ممكن ادخل دا فى قصة فى حكاية و ممكن القصة او الحكاية دى تكون فيها ناس عملو حاجات و حشة بس ملهومش بيا علاقة اللى انا عايز تاوصلة اننا مش مثالى بس مش لازم انشر غسيلى اللى مش نضيف .

بحب الشتا اكتر من الصيف (و الجو المعتدل اكتر) و الاسهال اكتر من الامساك(و الصحة اكتر) ز مواعيدى للاسف مش متظبطةو بحب تويتر اكتر من الفيس بوك ويا ريت متحكمش عليا من صفحة الفيس بوك بتاعتى و لا اللى انا كتبه على تويتر و ياريت متحكمش عليا من اللى انا كاتبه هنا .....زياريت متحكمش عليا خالص تحكم عليا ليه؟؟؟

اللى هدونه بعد كده ممكن يكون عن
كتاب الله لماذا
بدايات كتاب حياة محمد
ضحكات كئيبة

عموما احتمال اكتب عن الحاجات ديه عشان احس شوية بالامان ....فكرة انك تتكلم على حاجات انت عارف انها تقيلة يطمنك او يمكن الحاجات دى تقدر تخلينى ادخل للاعماق شوية .أه انا فى التاريخ ميح وبحب الورقة و القلم .

اه وكنت كل ماشوف حد ناجح كون عايز انجح زيه بالظبط لو دكتور او مهندس او عامل شاطر .
ومش عارف ليه من و انا صغير مسيطرة عليا فكرة ان عروستى متحطش مكياج فى الفرح .و محدش يسأل ولا بعد الفرح؟
بفكر اجيب جهاز رياضى عشان فيه بوادر كرش و انا حاليا فى الشغل فى رمسيس شغال فى قسم الجودة لمركز خدمة عملاء لشركة ماسكة مشروع 888 بتاع فودافون و قوم اروح دلوقتى.